ئه ستێره هه موو مه حوه له نێو نووري قه مه ردا
يا شـه مسي جـه مـالت شـه وي گێـڕاوه بـه فـه ردا؟
خاكي به ري پێت هه م گڵ و هه م گوڵ به سوروشكم
وه قـتي غـه م و شـاديي ئـه وه كـردوومه به سه ردا
ته لبيسي نييه ئه و كه سه دێوانه يي رووته
بێـچاره نه ما غه يري حه یاتـێکی له به ردا
ڕه نگی نييه روخـساره يي ره نـگين و له تيفي
ڕۆشن بووه ئه م نوكته سه باتي له به سه ردا
هه ر چه نده كه ئينسانه له به رچـاوي من و تۆ
مومكين نييه ئه م لوتفه له ئينسان و به شه ردا
ئيسباتي خه ت و خاڵه، به سه د شوشتن و گريان
نـاچـێته وه ئـه م نـوقـته لـه نێـو ديـده يـي تـه ڕدا
شـه وقـي كـه نه بێ باسـيره، مـه ئيـووسـه لـه ديتن
هه ر شه وقي ئه وه قووه تي ديني به نه زه ر دا
ئالووده نه بێ دا، به زه بوون گيـريي خوێـنم
بـۆ كـوشتني من دامه ني پاكي له كه مه ر دا
«نالي» خه به ري بێ ئه سه ري غائيبه، ئه مما
ناڵێکی حه زين دێ له موناجاتي سه حه ردا
نالی
برچسبها: شێعرنالی شعراشعارکردیکوردیکردستتانادبیاتووتهشاعر
من نیشتمانێکم هەیه،
له هیچ نیشتمانێکی تر ناچێ
له هیچ گریانێکی تر ناچێ
له هیچ سووتانێکی دی ناچێ
هەموو جارێ، ئە یهاڕن و
پووش و پەڵاش و پاشەڕۆی ئازارەکانی،
ئەدەن به دەم،
بای شمشێر و بای زرێپۆش و بای فڕۆکەوه و
کەچی لەوسەر،
ئەم نیشتمانه ئەفسانەیه دێتەوه و
کەچی لەوسەر ئەم کۆتەرەیه،
ئەبێتەوه به سنەوبەر و ئەڕوێتەوه و
کەچی دیسان،
ئێسک و پروسکی ناو سوتماک،
یەک ئەگرێتەوە و
کوتەکوتەی ئەم جەستەیەش،
هەڵئەستێتەوه سەر پێیان و
ڕوو ئەکاتەوه دنیا و ئەڵێ:
"منم کوردستان".
شێرکۆ بێکەس
برچسبها: شێرکۆ بێکەسشێعراشعارکردیکوردستانمنم کوردستانکردستان
تـەنـافـی زولـفـت ئـاوێـزانـی بـاڵات
نـەمـانـی هــاونـەژادانـت خــەیــاڵـه
ڕووحـت بردم به قـەندی لێوەکـانت
دەزانـی کـورد به قـەنـد وێـرانەماڵه
قەباڵەی عاشقیم زۆر موعتەبەر بوو
چ قـەومـا چـاوم ئەمـڕۆ پێت بەتاڵه
له ئـاه و ئـەشـکی بێـچـاران بترسـه
له ئەستۆ مەگره چی دی ئەو وەباڵه
مەگـەر ترسـت نییه دەستـی زەمانه
وەڕێـت بێنێتەوه ئـەم ژیـنـه تـاڵـه؟
کوڕی شێران و زۆرزان بووم، له دەس تۆ
هـــەژارێــکــم، زمـــانــم لـــەنـگ و لـاڵــه
هه ژار
برچسبها: هه ژار خیامشعر مامۆستا هه ژار وبلاگ شعرکردی کورداشعار کردی
نیمــــه ئاواڵـــێ لــه گۆشــه ی بێکه ســیدا غـه م نــه بێ
چاکه ئه و لێره ش وه فای هه ر ماوه،سایه ی که م نه بێ
لاپـــه ڕه ی ژیــنم هــه مـوو هـه ڵــده یتـه وه، تـێیــدا نیــه
باسی فرمێسـک و هه ناسـه و شـیوه ن و ماتـه م نه بێ
رۆژگــاری سپــڵــه بــۆ مــن بــۆســـه یــــه کــی نــایـــه وه
نه مــدی هـه ر تیرێـکی ده یهاوێ به ره و سیـنه م نه بێ
ره نــجــی دووری دڵبــه رم بــۆ کــوشــتنـی مــن کــافیــه
گـه ر لـه دنیـادا ئــه مـن هیـچ مه ینـه تی دیکـه م نـه بێ
کـوا ده زانـێ چـه نـد پـه رێشـان و پـه شێـوه حـاڵی من ؟
ئه و که سه ی گیـرۆده یی ئه گریجـه وو پـه رچـه م نه بێ
ره مــــزی دڵــــداری لـه زیـنـێ فـێـر نــه بــوو یـــارم ده نـــا
کــوا ئـه ویـنـداری وه فــاداری وه کـــو مــن مــه م نــه بـێ
کیـژی شاریمان لـه خــۆی وه رگــرتــووه چارشێــوی ڕه ش
داخه که م نه مدی له وێ مانگێکی ده وره ی ته م نه بێ
شــادی جـارێــکی بـــه میــــوانــی نـتـه هــاتــۆتــه دڵــــم
ره نگه خه ڵوه تخانه یی خه م شوێنی نا مه حره م نه بێ
خۆم ده سووتـێـنم هـه تا بـه زمی خه ڵـک رۆشن بـکه م
کێ له ڕێی خه ڵکا وه کوو شاعیر ده سووتێ شه م نه بێ؟
هێمن
برچسبها: هێمن شعراشعار کردی کردی کوردی هیمن بۆسه ی رۆژگار